ევერესტის საშაბათო სკოლისა და გინესის რეკორდსმენის ვაკო მარჩილაშვილის ინიციატივით, 1 ივნისს რუბიკის კუბის ზაფხულის ჩემპიონატი გაიმართება.

ჩემპიონატი გაიმართება ოთხ კატეგორიაში (2×2; 3×3; 4×4, Pyraminx). თითოეულ კატეგორიაში გაიმართება სამი ტური. მონაწილე ერთ ტურში კუბს ააწყობს ორჯერ. ორი აწყობის შედეგად დაუფიქსირდება საუკეთესო დრო.

თითოეულ კატეგორიაში:

• I ტურიდან II ტურში გადავა საუკეთესო შედეგის მქონე 30 მონაწილე;
• II ტურიდან ფინალში გადავა საუკეთესო შედეგის მქონე 8 მონაწილე;
• ფინალში გამოვლინდება 3 გამარჯვებული.

თითოეული ფინალისტი საჩუქრად მიიღებს ილუზიების მუზეუმის ბილეთს.

გამარჯვებულიებს გადაეცემათ: სიგელები, მედლები და ფასიანი საჩუქრები.

ჩემპიონატში მონაწილეების ასაკი შეზღუდული არ არის.