2019 წლის 14 მარტს მათემატიკის ოლიმპიადა „ევერესტსა“ და თბილისის მერიის მხარდაჭერით რიგით მე-4  „მათემატიკის ფესტივალი“ გაიმართა.

ღონისძიება ოლიმპიადა ,,ევერესტის“ და ,,აკადემია ევერსტის“ დამფუძნებელმა, მასწავლებლის ეროვნული ჯილდო 2019-ის ხუთეულის წევრმა დაჩი ნანობაშვილმა და მასწავლებლის გლობალური ჯილდოს ათეულის წევრმა ლადო აფხაზავამ გახსნენს. ღონისძიება საგამოფენო ცენტრ ექსპო-ჯორჯიას მე-3 პავილიონში გაიმართა.
,,მათემატიკის ფესტივალი“ წლიდან წლამდე მასშტაბურ სახეს იღებს. წელს ფესტივალი თბილისს გასცდა  და წელს პირველად ქალაქ ქუთაისშიც ჩატარდა, რომელსაც უმასპინძლა ქართულ-ამერიკულმა სკოლა პროგრესმა.

ფესტივალში მონაწილეობა მიიღო 50-მდე სკოლამ და სასწავლო ორგანიზაციამ, რომლებმაც გამოფინეს π რიცხვსა და მათემატიკის თემაზე შექმნილი კრეატიული ნამუშევრები. ფესტივალზე დაუკრეს π-ს  მელოდია, გაიმართა ფლეშმობი, დაიდგა მინი სპექტაკლი, მოეწყო ლოგიკური შეჯიბრებები, გაიმართა π რიცხვის კონკურსი და სხვადასხვა სახის აქტივობა.  ფესტივალი გააშუქა რამდენიმე ტელე და რადიო მაუწყებელმა.

https://www.youtube.com/watch?v=CMp65kO07tA&t=7s

სიამაყით გვსურს აღვნიშნოთ, რომ  ოლიმპიადა ,,ევერესტის“ მიერ ორგანიზებული მათემატიკის ფესტივალისა და π-ს დღის შესახებ NASA-ს ოფიციალურ გვერდზე დაიდო ვრცელი სტატია.

https://go.nasa.gov/2HyGveX

,,მათემატიკის ფესტივალს“ აქვს ტრადიციული სახე და ყოველ წელს ტარდება ერთსა და იმავე დღეს, 14 მარტს, რომელიც ემთხვევა π როცხვის საერთაშორისო დღეს, აინშტაინის დაბადების დღეს და ოლიმპიადა ,,ევერესტის“ დაბადების  დღეს.
 

ჩვენ უკვე ვემზადებით ,,მათემატიკის ფესტივალი 2020-ისთვის“.
გელოდებით 2020 წლის 14 მარტს!

ფოტო გალერეის სანახავად გადადით შემდეგ ბმულზე.